# Libreng speech review: i-check ang bilis at filler words mo

Pindutin ang Simulan magsalita, sabihin nang malakas ang speech o talk mo, tapos pindutin ang Itigil. Makikita mo ang salita kada minuto, ang filler words mo gaya ng "ano" at "parang", ang mahahabang hinto at ang transcript. Sinusukat nito kung paano mo sinabi, hindi kung maganda ang laman.

Isinulat ng Speaking Coach team sa Sodhera Intelligence. Na-update 2026-10-22. Source: https://www.orecci.com/speaking-coach/fil/tools/free-speech-review/

## Paano gamitin

1. Tumayo, kung kaya mo. Iba ang boses kapag nakaupo ka at nakayuko sa laptop.
2. Pindutin ang **Simulan magsalita** at payagan ang mikropono kapag nagtanong ang browser.
3. Sabihin ang speech mo gaya ng sasabihin mo sa totoong araw: ang toast sa kasal, ang speech sa despedida ng boss mo, ang report mo sa Monday meeting. Huwag basahin nang pabulong.
4. Pindutin ang **Itigil** pagkatapos ng huling linya.
5. Tingnan ang resulta, baguhin ang isang bagay, at pindutin ang **Ulitin**.

Mas marami kang matututunan sa tatlong sunod-sunod na ulit ng parehong unang minuto kaysa sa isang beses na buong speech.

## Ano ang sinusukat nito, at ano ang hindi

| Sinusukat | Paano | Ang hindi nito kaya |
| --- | --- | --- |
| Bilis | Salita kada minuto, mula sa unang salita hanggang sa huli | Sabihin kung tama ang bilis para sa okasyon mo |
| Filler words | Hinahanap ang "uhm", "ano", "parang", "bale", "so", "like" at iba pa | Ihiwalay ang "ano" na tanong sa "ano" na pampuno |
| Mahahabang hinto | Mga katahimikang lampas dalawang segundo | Sabihin kung sinadya mo ang hinto o nablangko ka |
| Transcript | Ang narinig ng speech recognition ng browser mo | Maging eksakto sa Taglish, pangalan at mabilis na salita |

Hindi ito AI feedback. Hindi nito sasabihin kung nakakatawa ang biro mo, kung masyadong mahaba ang kuwento tungkol sa ninong mo, o kung malinaw ang punto mo.

## Paano basahin ang resulta

- **Bilis na lampas 170 salita kada minuto.** Kadalasan, kaba ito. Huminto nang isang segundo pagkatapos ng bawat punto. Para sa mas detalyadong sukat, gamitin ang [pace checker](/speaking-coach/fil/tools/pace-checker/).
- **Maraming filler sa unang 15 segundo.** Normal ito: diyan ka pa naghahanap ng pasok. Kabisaduhin lang ang unang pangungusap mo.
- **Maraming mahabang hinto sa gitna.** Madalas, hindi malinaw ang pagkakasunod-sunod. Isulat ang tatlong punto mo sa isang index card.
- **Kakaibang salita sa transcript.** Kung mali ang pagkakarinig sa maraming salita, baka mahina ang boses mo o masyadong mabilis. Kung mga pangalan lang ang mali, huwag mo nang pansinin.

Kung may oras na ibinigay sa 'yo, halimbawa "tatlong minuto lang bawat speaker", tingnan sa [speech length calculator](/speaking-coach/fil/tools/speech-length-calculator/) kung ilang salita ang kasya.

## Kung gusto mo ng feedback na may laman

May dalawang paraan para makakuha ng AI feedback na sinisipi ang mismong sinabi mo:

- **Ang Speaking Coach app** sa iPhone at Android, na gumagana sa Filipino. Sasabihin nito kung paano ka tumunog, ano ang dapat panatilihin, at mga tip na sinisipi ang mismong linya mo, kasunod ang puwede mong sabihin sa halip. Puwede mo ring ulitin ang mismong bahagi nang 90 segundo para makita ang nagbago. Subscription ito; tingnan sa App Store o Google Play ang presyo sa bansa mo.
- **Ang libreng Speaking Coach app sa ChatGPT.** Mag-record o mag-upload ng boses mo at makakakuha ka ng bilis, filler words, hinto at isang bagay na susubukan. English lang ito, at dalawang review kada araw.

## Mga madalas itanong

### Naka-save ba ang recording ko?

Hindi. Ang speech service ng browser mo ang gumagawa ng text (Google o Microsoft sa Chrome at Edge, Apple sa Safari), at sa device mo ginagawa ang pagbibilang. Walang natatanggap ang Speaking Coach.

### Puwede ba akong magsalita sa Taglish?

Oo, pero mas madalas magkamali ang transcript kapag palipat-lipat ang wika. Kung buong English ang speech mo, ilipat ang wika ng page sa English sa itaas para English ang pakinggan ng tool.

### Bakit kulang ang "uhm" at "ahh" sa bilang?

Ginawa ang speech recognition para maglabas ng malinis na text, kaya madalas nitong tinatanggal ang mga tunog ng pag-aalinlangan. Mas maaasahan ang bilang sa mga salitang gaya ng "parang" at "bale".

### Gaano kahaba dapat ang sasabihin ko para tumpak ang resulta?

Kahit isang minuto man lang. Sa 20 segundo, isang hinto lang ay malaki na ang epekto sa bilis.

### Anong browser ang gumagana?

Chrome, Edge at Safari sa computer at phone. Sa Firefox, i-paste na lang ang text.

---
Speaking Coach on the App Store: https://apps.apple.com/app/id6767124039
Speaking Coach on Google Play: https://play.google.com/store/apps/details?id=com.sodhera.speakingcoach